Ógleymanlegur kennari fallinn frá

Einn besti og eftirminnilegasti kennari sem ég hafði á minni skólagöngu var borinn til grafar í dag. Indriði Gíslason kenndi íslensku við Kennaraskólann á námsárum mínum við þann ágæta skóla 1968-72. Indriði var mjög eftirminnilegur maður og frábær kennari. Hann jók áhuga nemenda sinna á íslensku máli og Íslendingasögunum. Það var skemmtun að sækja tíma hjá honum, ekki síst í Njálu sem hann gæddi lífi og kryddaði á ógleymanlegan hátt.
Blessuð sé minning Indriða Gíslasonar.

ÚH er mjög gott verkefni

Það er ekki laust við að maður öfundi það fólk og fyrirtæki sem nú er að taka þátt í ÚH verkefni Útflutningsráðs. Mitt fyrirtæki tók þátt í ÚH12 fyrir 7 árum og ég minnist þess tíma með hlýju og þakklæti. Maður kynntist góðu fólki, heimsótti staði á Íslandi í fyrsta sinn og lærði heilmikið.
Upp úr stendur fólkið, bæði forsvarsmenn Ú.Í. og þátttakendur í verkefninu.
Ég hef aldrei þakkað nógsamlega fyrir mig. KÆRAR ÞAKKIR !

Með ÚH - kveðju

Hörður Hilmarsson

Verkefnið Útflutningsaukning og hagvöxtur