Gylfi Sig. með stáltaugar

Það er ekki alltaf auðvelt að skora úr vítaspyrnu í knattspyrnuleik og erfiðara eftir því sem meira er undir og minna er eftir af leik. Gylfi Sig. var undir mikilli pressu þegar hann tók víti fyrir Hoffenheim á lokamín. gegn Leverkusen í gær. Gylfi þurfti að bíða óvenju lengi eftir að dómari leiksins tryggði að allir leikmenn væru nægilega langt frá marki. Og að lokum gekk dómarinn þvert yfir vítateiginn til að taka sér stöðu! Hef aldrei séð það áður. En Hafnfirðingurinn ungi var svellkaldur og setti knöttinn í bláhornið, framhjá markmanni Leverkusen sem þó gerði heiðarlega tilraun, valdi rétt horn.

Gylfi er skærasta stjarnan í glæsilegri framtíðarflóru íslenskra leikmanna. Það verður gaman að fylgjast með "strákunum okkar" næstu árin!

Jöfnunarmark Gylfa gegn Leverkusen (myndband)

Athugasemdir

[Gunnar Th. Gunnarsson, 28.11.2010 kl. 12:04]

Sammála því, gríðarlegt efni þarna á ferð.

[Björn Birgisson, 28.11.2010 kl. 13:39]

Nýr Ásgeir Sigurvinsson? Betri kannski?

[Hörður Hilmarsson, 28.11.2010 kl. 18:57]

Segi það nú ekki, Björn. Geiri er að mínu mati og margra annarra besti knattspyrnumaður Íslands fyrr og síðar. En Gylfi hefur hugarfar og hæfileika til að komast með tíð og tíma í hóp 5-10 bestu leikmanna íslenskrar knattspyrnusögu.