Árni Gautur er besti kosturinn

Það er óskandi að Óli Jóh., landsliðsþjálfari, beri gæfu til að kalla eftir þjónustu Árna Gauts Arasonar í verkefni landsliðsins í október.
Þeir markmenn sem leika í Landsbankadeildinni eru flestir ágætir, en enginn afgerandi. Allir hafa þeir sína kosti og sína galla, en sá sem ég tel mesta möguleika á að ná þeim stöðugleika sem landsliðsmarkmaður þarf að sýna er KR-ingurinn Stefán Logi Magnússon. En ég tel að Árni Gautur sé klárlega besti kosturinn sem markmaður A-landsliðsins númer eitt og Stefán Logi eigi að vera varamarkmaður, með það fyrir augum að hann taki við af Árna þegar hans tími er kominn.

Áfram ÍSLAND !

Hörður Hilmarsson