Frekari skuldajöfnun nauðsynleg

Landsbankinn á enn eftir að gera upp við þá aðila sem hann plataði til að leggja sparifé sitt í peningabréf bankans á siðlausan (ólöglegan?) hátt undir því yfirskyni að þetta væri jafn örugg fjárvarsla og aðrir innistæðureikningar sem bankinn bauð upp á.

Eigendur og stjórnendur bankans sukkuðu síðan með það fé eins og þeir ættu það, settu í eigin fyrirtæki sem voru í fjárþörf, í stað þess að varðveita það eins og þeim bar skylda til. Heildartap fólks og félaga var/er um 30 milljarðar.

Ég þykist vita að þeir sem sáu á eftir 31.2 % sparifjár síns séu tilbúnir til að heimila Landsbankanum að skuldajafna í þeim tilfellum sem innistæðueigendur í peningabréfum voru einnig með skuldir í bankanum, jafnvel þótt ekki sé komið að gjalddaga skuldanna. Þarna er kannski um 5-10 milljarða að ræða sem leysa ekki vanda allra sem eiga kröfur á Landsbankann/NBI vegna þessa máls, en er vissulega spor í rétta átt.

Baráttukveðja

Hörður

Afskrifa 1.500 milljarða

Athugasemdir

[Halldór Jóhannsson, 21.2.2009 kl. 17:45]

Já ég væri ekki ósáttur við að fá mitt til baka..allavega vil ég fá til jafns við hina... munaði ekki um 10 % sem Landsbankinn stal meir af okkur en hinir bankarnir...? Baráttukveðja